Şêniyên Efrînê rojbûna Ocalan pîroz kirin

ŞEHBA

Pîrozbahî bi wesîleya rojbûan Rêberê Gelê Kurd Abdullah Ocalan ji aliyê Kongreya Star ve hate organîzekirin.

Di pîrozbahiyê de, endamê Rêveberiya Xweseriya Demokratîk a Kantona Efrînê û bi dehan şêniyên Efrînê amade bûn.

Pîrozbahî bi deqeyeke rêzgirtinê dest pê kir. Endama Meclîsa Malbatên Şehîdan a Efrînê Sureya Hebeş, endama Koordînasyona Kongreya Star a Efrînê Rohilat Arif, rêveberê kampa Berxwedan Ebdo Îbrahîm û rêvebera Yekîtiya Jinên Azad a Şehbayê Rîhab Cebo axivîn.

Kesên axivîn, rojbûna Rêberê Gelê Kurd Abdullah Ocalan li hemû gelên Rojhilata Navîn, malbatên şehîdan, şervanên YPG û YPJ‘ê pîroz kirin.

Di axaftinan de her wiha hate gotin ku gelê Kurd bi fikirê Rêberê Gelê Kurd Abdullah Ocalan xwe bi rêxistin kirine.

Axaftivanan, bal kişandin ku komploya navdewletî ya ku li dijî Rêberê Gelê Kurd Abdullah Ocalan bi îradeya gel vala hatiye derxistin.

Di dawiyê de, zaroka bi navê Xalide Îbrahîm stranek li ser têkoşer Viyan Soran got, paşê jî Koma Çiyayê Kurmênc jî stranên şoreşgerî xwendin.

(bb)

ANHA