Qonaxa duyemîn a Berxwedana Serdemê didome, zêdetirî 20 leşker û çet hatin kuştin

EFRÎN –  Şervanên YPG û YPJ`ê di çarçoveya qonaxa duyemîn de, li dijî artêşa Tirk a dagirker û çeteyên wê  ku li nêzî rêya ku  diçe Cindirêsê mal û milkên welatiyan didizîn, çalakiyeke bi sabotajê lidar xistin.

 Di encamê de zêdetirî 10 çete û leşkerên artêşa dagirker hatin kuştin û hejmarek zêde jî birîndar bû. Her wiha kamyon û terektoreke çeteyan ku milkên welatiyan li ser bar kiribûn û dibirin hatin rûxandin.

Şevê din şervanên YPG/YPJ’ê di encama çalakiyekî taybet a li ser noqteya dagirkeran a di navbera gundên Şemalê û Meydankê ya girêdayê navçeya Şera de, 8 leşker û çete hatin kuştin û 3 jî birîndar bûn.

Herwiha di saetên serê sibê yên îro de, şervanên YPG/YPJ`ê di mavbera gundê Basûtê ya girêdayê navenda Efrînê û herêma Cindirêsê de çalakiyek bi rokêtan lidar xistin. Li gorî gelek leşker û çete hatin kuştin.

Ji aliyekî din ve jî, dîmenên talankirina mal û milkên welatiyên Efrînê ji aliyê çeteyên Tirk ve, gelekî li ser tora civakî hatin belavkirin û her kesî rastiya wan dît. Artêşa Tirk û çeteyên wê ji bo van rastiyan ji  tevahiya cîhanê re veşêrin û rastiyan berovajî bikin, sivîlên ku di Efrînê de mane bi darê zorê dikin dîkanan û ji wan dixwazin ku bêjin talanî tune ye. Sê welatiyên ku ev yek red kiribûn çeteyan ew birîndar kirin.

(kc)

ANHA