ˋMin soz dabû ku ez ê vegerim Tişrînê va min soza xwe bi cih anîˊ

Di 18ˋê Çileyê de dema xelkê bajarê Qamişloyê yê kantona Cizîrê li ser Bendava Tişrînê parastina bendavê dikir balafirên bêmirov ên dewleta Tirk a dagirker gelê li wir bombebaran kiribûn, di encamê de 6 welatî şehîd bûbûn û hin jî birîndar bûbûn.

Faris Xilo (70) yek ji wan welatiyan e ku ji serê xwe ve birîndar bûbû û rakiribûn nexweşxaneya Tebqayê û li wir tedawî dibû. Lê ji têkoşîna xwe gav bi paş ve neavêt û wê demê gotibû piştî baş bibim, ez ê yekser vegerim û parastina bendavê bikin.

Îro jî, careke din Faris Xilo Bendava Tişrînê ji êrişên dagirkeran diparêze û got: "Armanca me ya li vir, em bendavê biparêzin, piştgiriya zarokên xwe yên di Hêzên Sûriya Demokratîk (QSD) û Yekîneyên Parastina Jin (YPJ) de bikin."

Xilo wiha domand: "Ev bendav damara jiyanê ya bi milyonan mirovan û zindiyên li herêmên me ye. Dewleta Tirk a dagirker dixwaze binesaziyê wêrna bike, lê nikara vîna me bişikîne."

Xilo nameyek xurt nîşanî dewleta Tirk a dagirker kir û wiha got: "Berdêl çi dibe bila bibe û tu çiqas sûcên xwe yên hewayî û bejahî zêde bike, em ê her tim li vir bin, li hember te û çeteyên te bisekinin û parastina Bendava Tişrînê bikin."

Xilo diyar kir ku ji tevahî pêkhate, iraq û olan li vir parastina bendavê dikin, ev hevgirtina gel wê planên Erdogan faşîst têk bibin.

Xilo bang li civata navneteweyî û raya giştî kir ku ji bêdengiya xwe derkevin û wiha pê de çû: "Bêdengiya we, îsbat dike ku axaftinên we yên li ser mafên mirovan tenê gotinên derew in. Divê hûn helwesteke cidî ji bo rawestandina êrişên dewleta Tirk a dagirker ên li dijî sivîlên li Bendava Tişrînê nîşan bidin."

Di dawiyê de Faris Xilo wiha got: "Dema ez birîndar bûm, min soz dabû ku ez ê vegerim û min îro soza xwe bi cih anî. Ez her tim bi karwanên şêniyan re werim vir, heta êrişên dewleta Tirk û çeteyên wê li ser xaka me bi dawî dibin."

ˋQSDˋÊ LI HEMBER ÊRIŞÊN DEWLETA TIRK MERTAL Eˊ

Dewleta Tirk a dagirker û çeteyên wê ji 8ˋê Kanûna 2024ˋan ve bi balafirên şer û bêmirov û topan êrişî Bendava Tişrînê dike ku avahiyên xizmetguzariyê yên gelên herêmê wêran bike. lê berxwedana behmpa ya QSD û YPJˋê wan êrişan têk dibin."

ˋSÛCÊN ŞER Û SÛCÊN DERMIROVÎˊ

Ji ber ku di nikare bi pêş de biçe û di êrişên bejahî de têk diçe, bi balafirên bêmirov nobedarên li ser bendavê bombebaran dike. Ji destpêka êrişên li dijî bendavê ve 7 karwanên sivîlan bombebaran kirine, di encamê de 24 welatî di nav de 3 karkerên tîmên tibî şehîd bûn û zêdetirî 200 kes, di nav de 7 rojnamevan û 3 karkerên timên tibî birîndar bûne.

(fr)

ANHA