Zarokên şehîdan 4’ê Nîsanê pîroz kir

Meclisa Malbatên Şehîdan a bajarê Amûdê bi boneya 4’ê Nîsanê şahiyek ji zarokên şehîdan re li dar xist.

ROJANE

27 adar, 2025 14:55

QAMIŞLO

Meclisa Malbatên Şehîdan a bajarê Amûdê bi boneya 4’ê Nîsanê rojbûna Rêber Abdullah Ocalan, şahiyek ji zarokên şehîdan re li dar xist. Şahî li avahiya PYD’ê bi amadebûna malbatên şehîdan, endamên meclisa leşkerî û Meclisa Malbatên Şehîdan a Kantona Cizîrê hat lidarxistin.

Di şahiyê de rêvebera Meclisa Malbatên Şehîdan a Kantona Cizîrê Foza Yûsif axivî. Foza Yûsif 4’ê Nîsan pîroz kir û got: "Em ronahiya rojbûna Rêber Apo di çavên zarokên şehîdan de dibînin ku bûne sembola israr û fedakariyê. Wê Rêbertî di dilê me de bimîne. Em ê wefadarên ramanên wî yên azad bin."

Endamê Meclisa Malbatên Şehîdan Mihemed Ehmed jî axivî û got: "Em soz didin malbatên şehîdan ku em ê heya azadiya gelê xwe şopdarên rêya şehîdan bin."

Di şahiyê de rêvebera Meclisa Malbatên Şehîdan a bajarê Amûdê Xaliya Qasim anî ziman ku divê malbatên şehîdan zarokên xwe li ser felsefeya Rêber Abdullah Ocalan mezin bikin û rojbûna wî bikin boneya nûkirina sozê û dilsoziya bi ramanên wî re.

Di dawiya şahiyê de malbatên şehîdan û zarokên wan li ber stranan govend gerandin.

(bb)

ANHA