Weqfa Jina Azad pêşangehek vekir

Weqfa Jina Azad a Sûriyeyê bi boneya salvegera xwe pêşangehek li Qamişloyê vekir.

ÇAND Û HUNER

22 îlon, 2025 13:26

QAMIŞLO

Bi boneya salvegera 11`emîn a damezirandina Weqfa Jina Azad a Sûriyeyê ya li Qamişloyê, Pêşangeha Huner û Destkariyan a Jinan a 11`emîn bi dirûşma "Hunera jinan rûmeta civakê ye" hate lidarxistin.

Pêşangeh li navenda Weqfa Jina Azad a li Qamişloyê bi tevlêbûna 7 jinên endamên weqfê pêk hat.

Jinên beşdar gelek berhemên hunerî, cil û bergên gelêrî û hwd pêşandan.

Rêvebera Weqfa Jina Azad Sultana Xişo di pêşangehê de axivî û diyar kir ku wan xwestiye di salvegerê de hunera jinan derxin pêş, wê her armanca wan a sereke ew be ku ji bo pêşxistina hunera jinan xebatê bidin meşandin.

Weqfa Jina Azad a Sûriyeyê di Îlona 2014`an de hatiye damezrandin. Ew bi armanca çareserkirina pirsgirêkên civakî yên di qadên aborî, siyasî, tenduristî û çandî de xebatê dike. Navendên wê li bajarên Dêrik, Tirbespiyê, Qamişlo, Çilaxa, Hesekê, Dirbêsiyê, Reqa, Tebqa, Kobanê, Sirîn, Heleb û Şamê hene.

(ah)

ANHA