Şoreşa 19’ê Tîrmehê li kolan û qadan hat pîrozkirin

Di çarçoveya çalakiyên pîrozbahiyê yê salvegera Şoreşa 19`ê Tîrmehê şevbuhêrkeke hunerî bi serenavê "Ji Helbestê Em Melodiyê Dibêjin" hate lidarxistin, û wêne li kolanan hatin daliqandin.

ROJANE

16 tîrmeh, 2025 23:46

NAVENDA NÛÇEYN

Yekitiya Rewşenbîran a Tebqayê ve li navenda çandî ya bajarê Tebqayê şevbuhêrkeke hunerî ya stran û helbestan li dar xist.

Bi dehan rewşenbîrên herêmê, di nav wan de jin û mêr, endamên Desteya Çand û Huner û Meclisa Kobûna Jinên Zenûbiya yê, beşdarî bûn.

Helbestvan Mihemed El Neîmî û Yaser El Elî û helbestvana Efrînî Eyşe Şêx Sîdî helbest pêşkêş kirin.

Helbestên hatine xwendin di navbera evîna welat û rihê şoreşê de bûn.

Di çalakiyê de her wiha stranên gelan û kevneşopiyê ji aliyê hunermend Fîras Awad, Mihemed Reşîd, Serdar Zêdan û Memdûh El Muxirim ve hatin pêşkêşkirin.

Li bajarê Cil Axa, komîteyên amadekariyê yên pîrozbahiyan dest bi daliqandina wêne, al û sembolên Şoreşa 19’ê Tîrmehê û şehîdên wê li meydan, kolanên sereke û deriyên bajêr ve kirin.

Şoreşa 19’ê Tîrmeha 2012’an li bajarê Kobanê bi beşdariya Kurdan û pêkhateyên din, di nav de Ereb, Suryanî û Asûrî, dest pê kir.

Armanca şoreşê avakirina rêveberiyeke demokratîk bû wekî alternatîfek ji bo nakokiya mezhebî ya ku Sûriye di şoreşa 15’ê Adara 2011’an de dest pê kir.

(ac)

ANHA

Cil Axa

TEBQA