Sersaxî ji malbata şehîd Seedellah Eyûb re xwest

Bi sedan şêniyên kantona Efrîn-Şehbayê, tevî endamên meclis, komîn, saziyên sivîl û leşkerî berî dan konê sersaxiyê yê şehîd Seedellah Hisên Eyûb ku li ber mala wî ya li bajarokê Fafînê hate vedan.

Di bin konê sersaxiyê de merasîmek hat lidarxistin. Piştî deqeya rêzgirtin,  Cemal Bekir bi navê saziyên bajarê Til Rifetê axivî. Bekir di kesayeta şehîd Seedellah de tevahî şehîdên azadiyê bi bîr anîn û got: "Em gelê Kurd dîroka bi berxwedan û şehîdan dagirtî ye. Em ê heya serkeftinê li ber xwe bidin."

Cemal Bekir anî ziman ku dê heya pêkanîna armancên wan şopdarên xeta şehîdan bin.

Bi navê malbata şehîd Seedellah, Idrîs Şêxo jî wiha axivî "Malbata şehîd Seedellah malbateke têkoşer a welatparêz e. Seedellah ji welatiyên destpêkê bû ku cihê xwe di nava refên Asayîşê de girt. Ji destpêka şoreşa gelê me ve têkoşînê kir. Piştî em ji Efrînê jî koçber bûne heya kêliya dawî ya şehadeta xwe têkoşîna xwe domand. Em ê heya azadiya fîzîkî ya Rêber Apo û vegera li Efrînê şehîdan bibin."

Merasîm bi berzkirina dirûşmên "Şehîd namirin" bi dawî bû".

Endamê Hêzên Ewlekariya Hundirîn Seedellah Hisên Eyûb 18ˈê Cotmehê ji ber krîza dil şehîd bû.

(bb)

ANHA