Şêniyên Qamişloyê cenazeyê şehîd Ayaz Ebdullah oxir kir

Şêniyên herêma Dêrikê cenazeyê şervanê Hêzên Ewlekariya Hundirîn Ayaz Ebdullah ku birayê nûçegihanê me şehîd Îsam Ebdullah e, li goristana Şehîd Xebat Dêrik veşartin.

ROJANE

11 kanûn, 2023 19:02

QAMIŞLO

Bi sedan şêniyên navçeya Dêrikê, Girkê Legê û Çilaxa ber bi Goristana Şehîd Xebat Dêrik herikîn û cenazeyê şervanê Hêzên Ewlekariya Hundirîn Ayaz Ebdullah ku li Qamişlo şehîd bûye, oxir kir.

Şehîd Ayaz birayê nûçegihanê me şehîd Îsam Ebdullah e ku dema topbarana dewleta Tirk a dagirker li ser gundê Teqel Beqel dişopand, 20-11-2022`yan şehîd bûbû.

Di merasîmê de endamê rêveberiya Meclisa Malbatên Şehîdan Elî Yusif axivî û sersaxî da malbata şehîd û soz da ku rêya şehîdan bişopîne ta ku aştî pêk were.

Endama Rêveberiya Hêzên Ewlekariya Hundirîn a Herêma Cizîrê Zozan Selman axivî û sersaxî ji malbata şehîd re xwest. Zozan soz da ku rêya şehîdan û Rêber Abdullah Ocalan heta dawiyê bişopînin.

Xwişka şehîd Fatme Ebdullah axivî û got ew bi şehadeta birayên xwe Îsam û Ayaz serbilind e.

Dawiya merasîmê wesîqeya şehadeta şehîd hate xwendin û radestî malbatê hate kirin. Dûre girseya gel cenazeyê şehîd spart axê.

(şx)

ANHA