Kobanê di dorpêçê de ye gel li ber xwe dide

Çeteyên Hikûmeta Demkî ya Sûriyeyê dorpêçake dijwar li ser bajar Kobanê û derdora wê ferz kir. Pêdiviyên herî bingehîn ên jiyana rojane wekî av, elektrîk û înternetên nayê peydakirin. Xwarin, derman, sotemenî û şîrê zarokan ber bi qedandinê ve diçin, her wiha êrişên tund ên li ser gundewarê berdewam dikin.

22 ÇILE, 2026 10:25

NAVENDA NÛÇEYAN

Ji ber dorpêçkirina ji aliyê çeteyên Hikûmeta Demkî ya Sûriyeyê ve hatiya ferzkirin, şêniyên Kobanê di şert û mercên mirovî yên pir dijwar de ne. Pêdiviyên herî bingehîn ên jiyana rojane wekî av, elektrîk û înternetê nayên peydakirin.

Di heman demê de çeteyên hikumeta demkî êrişî gundewarê Kobanê dikin. Şervanên YPJ’ê û QSD’ê jî bersiva êrişan didan.

Ev êriş bi taybetî li devera Hemdaşê ya rojavayê bajêr û gundên Quba, Ceada, Hemdor, Xan Memdid, Çelabiyê û Sirînê pêk tên, ku rewşa mirovî hîn xirabtir dike.

Çalakvanan diyar kirin ku dorpêçkirin û êrişên berdewam jiyana bi hezaran sivîlan tehdît dikin. Her wiha bang li civaka navneteweyî û rêxistinên mirovî kirin ku bi lez mudaxele bikin da ku êrişan rawestînin û piştgiriyê bidin gelê Kobanê.

Şêniyên Kobanê jî diyar dikin ku berxwedana wan berdewam dike û ew ê nehêlin ku çete bikevin bajêr. Komîte û saziyên Rêveberiya Xweseriya Demokratîk li Kobanê û komîn li gorî derfetên berdest erkên xwe yên peydakirina xizmetên bingehîn pêk tînin.

(k)