Şêniyên Hesekê şehîd Ebdela Elî spart axê

Şêniyên bajarê Hesekê cenazeyê şervanê Hêzên Erka Xweparastinê şehîd Ebdela Elî li Pakrewangeha Şehîd Dijwar spart axê.

ROJANE

17 kanûn, 2025 14:05

HESEKÊ

Bi sedan şêniyên bajarê Hesekê û gundên derdora wê îro bi merasîmekê cenazeyê şervanê Hêzên Erka Xweparastinê şehîd Ebdela Elî ku di 13’ê Kanûnê de li Hesekê şehîd bûbû, li Pakrewangeha Şehîd Dijwar a li gundê Dawûdiyê spart axê.

Merasîmê bi rêzgirtinê dest pê kir. Piştre endamê Meclisa Malbatên Şehîdan Ehmed El Herîs axivî û got: "Şehîdê me, mînakeke dîsîplîn, wêrekî û hezkirina ji bo hevalên xwe û welatê xwe bû. Wî ne tirs nas dikir, xwedî îradeyeke xurt û bi biryar bû, erka xwe bi rûmet û baweriyê pêk dianî."

Endamê Ofîsa Malbatên Şehîdan a Hêzên Erka Xweprastinê Şêrzad Qamişlo jî di merasîmê de axivî û got: "Em, hêzên leşkerî, soza şopandina şopa şehîdên xwe didin, ku rêya wan jiyana xwe ji bo wê feda kirine dewam bikin, Bihayê şoreş û azadiyê bilind û biqîmet e, em amade ne ku vê bedelê, çi dibe bila bibe, bidin heta ku em bigihîjin azadiya xwe."

Piştî ku belgenameya şehîd hat xwendin û radestî malbata wî hat kirin, cenazeyê şehîd bi dirûşmên "Şehîd namirin" spartin axê.

(k)