Şehîd Osman El Xelef bi merasîmekê hat oxirkirin

Şervanê Hêzên Sûriyeya Demokratîk (QSD) Osman El Xelef ku 7’ê Çileya 2016’an tev li refên QSD’ê bûbû û di 17’ê Tebaxa îsal de li gundê Şerîka yê Reqayê li ser erka xwe şehîd bûbû, bi merasîmekê hat oxirkirin.

Bi sedan şêniyên kantonê, tevî endamên saziyên sivîl û meclisên leşkerî beşdarî merasîma oxirkirinê bûn ku li Pakrewangeha Şehîdan a li bajarê Kerama yê rojhilatê kantonê hat lidarxistin.

Merasîmê bi deqeya rêzgirtin dest pê kir, piştre hevserokê Meclisa Malbatên Şehîdan a Kantona Reqayê Ehmed El Şêx axivî. El Şêx sersaxî ji malbata şehîd Osman El Xelef re xwest û diyar kir ku şehîdan ji bo parastina welatê xwe û azadiya gelê xwe canê xwe feda kirine û ev peyam da"Wekî Meclisa Malbatên Şehîdan em soza xwe nû dikin ku em ê dilsozên fedakariyên şehîdan bin û rêgazên ku ji bo wan şehîd bûne biparêzin."

Hevserokê Meclisa Giştî ya Rojhilat a Kantona Reqayê Îbrahîm Ebas jî sersaxî ji malbata şehîd re xwest û anî ziman ku şehîd Osman mînaka şervanê dilsoz û leheng bû.

Ebas got, xwîna şehîdan emanetek di stûyê wan de û dê heya pêkanîna hêviyên gel şopdarên rêya şehîdan bin.

Piştî axaftinan nasnameya şehîd hat xwendin û radestî malbata wî hatin kirin. Girse bi dirûşmên "Bi can bi xwîn em bi te re ne şehîd" cenazeyê şehîd spart axê.

(bb)

ANHA