Şehîd Mihemed Şerîf li Tebqa hat oxirkirin

Xelkê kantona Tebqa cenazeyên şervanê QSDˋê şehîd Mihemed Şerîf oxir kir û got ew ê li dijî êrişên dewleta Tirk a dagirker bisekinin û parastina projeya Rêveberiya Xweser bikin.

ROJANE

12 sibat, 2025 17:19

TEBQA

Xelkê kantona Tebqa û Koçberên kantona Efrîn û Şehba, endamên Rêveberiya Xweseriya Demokratîk a kantona Tebqa, partiyên siyasî, Kombûna Jinan a Zenûbiya, Meclisa Malbatên Şehîdan, meclisên bajêr cenazeyê şervanê Hêzên Sûriya Demokratîk (QSD) şehîd Mihemed Şerîf defin kir. şervan Mihemed Şerîf di 10ˋê Sibatê de di encama bersivdana êrişên dewleta Tirk a dagirker ên li dijî bajarê Eyn Îsayê de şehîd bû.

Di merasîmê de hevserokê Meclisa Tebqa ya Partiya Sûriya Pêşerojê Ehmed El Omer sersaxî da malbata şehîd û got: "Şehîd û hevrêyên wî parastina projeya neteweya demokratîk ku altarnatîfa pergala dîktatoriyê ye, parast."

Rêveberê Saziya Olî ya Tebqayê Bozan Şêx Hem axivî û got: "Ew bejna xwe li hember şehîdên ku di oxira parastina welat de dane, ditewînin. Em ê axa xwe ji dewleta Tirk a dagirker û çeteyên wê rizgar bikin û serkeftinê misoger bikin."

Dûre wesîqeya şehîd hat xwendin û radestî malbatê hat kirin.

(fr)

ANHA