Şehîd Mam Zekî li Qamişlo hat bîranîn

Meclisa Ol û Baweriyan û Yekîtiya Êzîdiyên Sûriyeyê bi çalakiyekê şehîd Mam Zekî li Qamişlo bi bîr anîn.

ROJANE

15 tebax, 2026 15:37

QAMIŞLO

Meclisa Ol û Baweriyan û Yekîtiya Êzîdiyên Sûriyeyê îro li Goristana Şehîd Delîl Saroxan li Qamişlo çalakiyek bîranînê li dar xistin. Di çalakiyê de şehîd Mam Zekî, her wiha Pêngava 15ê Tebaxê hatin bîranîn. Hejmareke mezin ji niştecih û kesayetên olî beşdar bûn.

Çalakî bi beşdariya şêniyan û oldaran bi deqeyek rêzgirtinê dest pê kir, piştre li ser navê komîteya amadekar a çalakiyê daxuyaniyek hat xwendin.

Di daxuyaniyê de hat gotin ku komkujiya li dijî gelê Êzîdî hatiye kirin yek ji komkujiyên herî tirsnak ên dîrokê ye, ku armanca wê ew bû ku li Şingalê guhertinên demografîk û olî çêbikin.

Her wiha hat destnîşankirin ku gelê Êzîdî, bi pêşengiya şehîd Mam Zekî û hevalên wî, di têkoşîna xwe ya ji bo rizgarbûnê ji zîhniyeta ku dixwest wan ji holê rake, hebûn û azadiya xwe parastin.

Di daxuyaniyê de bang banga xurtkirina nirxên jiyana hevbeş û aştiyê di navbera hemû civakan de hat kirin.

(k)

ANHA