Şandeya ji Bakurê Kurdistanê serdana saziyên Hesekê û YPJ’ê kir

Şandeya Jinan a ji Bakurê Kurdistanê serdana sazî û şêniyên Hesekê kir, bi fermandar û şervanên YPJ’ê re civiya.

ROJANE

11 cotmeh, 2026 18:05

HESEKÊ

Şandeya Jinan a ji Bakurê Kurdistanê di çarçoveya gera xwe ya li Rojava de serdana saziyên li bajarê Hesekê û Yekîneyên Parastina Jin (YPJ) kir, bi berpirs, rêveber û fermandaran re civiya.

Şande ji hevşaredara Mêrdînê û hevberdevka Komîteya Dîplomasiyê ya Rêveberiyên Xwecih Devrîm Demîr, hevşaredara navçeya Yenîşehîr a Amedê Safiya Akadag, hevşaredara navçeya Farqîn a Amedê Sevîm Bîçîçî, hevşaredara Tetwanê Belkîze Beştaş Epozdemîr û endama Komîteya Dîplomasiyê Rûken Demîr pêk tê.

Şandeyê serdana Şaredariya Gel a Hesekê kir. Hevserokên Şaredariyê Seidiye Kotî û Selman El Himêdî şande pêşwazî kir, hevdîtin dûrî dezgehên çapemeniyê dewam kir. Dûre jî şandeyê taboleyek bibîranîn da şaredariyê.

Her wiha şandeyê serdana kar û barên malbat û şêniyan kir, bi rêveber Rohat Xelîl û cîgira wê re civiya.

Bi serdana YPJ’ê şandeyê gera xwe bi dawî kir. Fermandar Newroz Ehmed û Berdevka YPJ’ê Rûksan Mihemed û hejmarek şervanan pêşwazî li şandeyê kir.

Di dawiya serdanê de her du aliyan mertal û tabloyên bibîranî dan hev.

(f)

ANHA