Şam projeyek 5 sal e pêk hatiye propagandaya destpêkirina wê dike

Di demekê de ku projeya enerjiyê ya El Cibsê ya bajarê Hesekê di 2020ˊan de bi dawî bû û ket xizmetê, ragihandinên hikumeta demkî ya Sûriyeyê propaganda kir ku saziyên hikumetê dest bi avakirina projeya enerjiyê ya El Cibês kir û got ew ê bikeve xizmetî şêniyan.

Ev daxuyanî hemwextî ragihandina hikumeta demkî ya beriya du rojan ku tîmeke pîşeyî ya Wezareta Eneriyê serdana tûrbînên El Cibsê kir û hat gotin wê sererast bike û pêxe, hatin kirin.

Di 1ˊê Çileya 2020ˊan de Desteya Eneriyê ya Rêveberiya Xweseriya Demokratîk a kantona Cizîrê ragihandibû ku projeya enerjiya El Cibsê ya gundewarê Hesekê, ku projeya dayîna kehrebê bi rêya tûrbînên gazê yên li herêma El Cibsê bi lêçûna 60 milyon dolar û bi kapasîteyên xwecihî ev proje daye destpêkirin.

Ev proje mezintirîn proje li herêmên Bakur û Rojhilatê Sûriyeyê hatibû pêkanîn, kehrebe dida başûrê Hesekê heta bi bajarokê Mergedeyê.

Enerjiya hilberînê ya stasyonê 30 megawat e, li ser 3 tûrbînan her yek bi 10 megawatan dixebite. Bi transformên sereke ve girêdayî ye, ji wan jî diçe stasyona sereke ya Şedadê û Mezre(Mezret Hol), da ku kehrebê bi rêya xetan li malan belav bike.

Desteyê di 4ˊê Tîrmeha 2020ˊan de dest bi dayîna kehrebê ji bo bajarê Şedadê û gundewarê wê kir. Kehrebe li ser tûrbînekê bi hêza 6 megawatan dihat dayîn.

Rêveberiya Xweser torên kehrebê yên 3 gundên başûrê Şedadê ku ji ber şeran ji xizmetê derketibû; keşkeş, Celal û Xere sererast kirin.

Tûrbîn û transforman kehrebe dida zêdetirî 500 gundên Şedadê, Hol, Mergedê. Ji Erîşa, Mergeh û Deşîşe heta bi sînorê Iraqê tevahî bi kehrebe dibû.

Li lînkên jêr hejmarek raporên berê ANHAˊyê li ser projeya enerjiyê ya El Cibsê çêkirine, li kêleka wê jî wêne û dîmenên belgekirî yên qonaxên bidawîkirin, pêxistin û ketina xizmetê, hene.

/ar/159402384036170

/ar/163211940055824

/ar/164924526064158

(fr)

ANHA