ROJEVA NAVENDA NÛÇEYAN A 9- 3 – 2025

Endama Akademiya Jineolojî Buhar Ewrîn destnîşan kir ku di vê pêvajoya ku cîhan tê re derbas dibe û bangewaziya Rêber Abdullah Ocalan têkoşîna wan a jinan dikeve qonaxeke nû ji ber vê, Pêwîste xweparastina jin di wareke teng de nayê destgirtin, xweparastin di yekîtiya jinan de jî pêk tê.

Jinên ji kantona Dêrazorê diyar kir ku dê li hemberî pergala zîhniyeta desthilatdar têkoşînê mezin bikin û projeya neteweya demokratîk biparêzin.

Endama Komîteya Têkilî û Hevgirtina Demokratîk a Kongra Star Rûken Ehmed da zanîn ku ew  qada dîplomasiya jinan berfirehtir dikin da ku mijarên jinan bi persektifa şoreşa ‘jin jiyan azadî’ hîn zêdetir nîqaşan bikin. 

Sal derbas dibin, lê dengê wî pîr nabe, qut nabe, winda nabe. Her cara ku meha Adarê tê, Mihemed Şêxo dîse hişyar dibe û dengê strana ‘Hemî Adaran hûn min hişyar kin’ bilind dibe.

Rojnamevan Ciwana Cûma diyar kir ku di ragihandina rastî û berxwedana li eniyên şer de gelek zehmetî hene û got "Wek rojnamevanên jin haya me ji berpirsyariya me heye. Ez serbilind im ku wek rojnamevaneke jin şoreş û têkoşîna bi pêşengiya jinan ji cîhanê re radigihînim.”

Desthilata Şamê, hemwextî destpêkirina aloziya li perava Sûriyeyê, rûbirûyî kêşeya kêmneteweyî, mezhebî û çandî ye, her wiha di navbera rêveberiya Trump û Ewropayê de nakokî zêde dibin û eleqeya bi banga dîrokî ya Rêber Abdullah Ocalan didomin.

Desteya Çandê ya Rêveberiya Xweseriya Demokratîk a Kantona Cizîrê ya Herêma Bakur û Rojhilatê Sûriyeyê li Navenda Mihemed Şêxo ya Qamişloyê, hunermendê Kurd Mihemed Şêxo bi bîr tîne, (14:00). BI WÊNE Û DÎMEN