Rewşa siyasî ji xelkê Reqayê re hat şîrovekirin

Di civînê de bi dehan xelkê Reqa, endamên saziyên bajêr li Qada Meclisa Şehîd Ehmed El Canim ê Reqayê kom bûn.

Di civînê de hevserokê Meclisa Giştî ya Kantona Reqayê Luey El Îsa bixêrhatina beşdaran kir û got: "Armanc ji vê civînê em rewşa siyasî û êrişên li dijî Rêber Abdullah Ocalan ên ji bo têkbirina projeya Rêveberiya Xweseriya Demokratîk, şîrove bikin."

Dûre şêwirmendê Meclisa Rêveber a Kantona Reqa Ednan Îbrahîm jî rewşa siyasî nirxand û got: "Em niha di qonaxeke dîrok a êşên gelê Sûriyeyê, şerê dewletan ku dixwazin Sûriyeyê kontrol bikin û pêkanîna pergala nû ya globalî ya bi armanca kontrolkirina cîhanê re derbas dibin. Lê divê ev dewlet destpêkê Rojhilata Navîn kontrol bikin."

Îbrahîm wiha domand: "Komploya Navneteweyî ya li ser Rêber Abdullah Ocalan beşek ji destwerdana Amerîka yan jî destwerdana Ewropa li Rojhilata Navîn e ku fikra Rêber Abdullah Ocalan têk bibin."

Ednan Îbrahîm wiha dawî li gotina xwe anî: "Vîna gel li hember pergala nû ya globalî sekinî. Serketina li Kobanê pêk hatiye, serketina gelê Bakur û Rojhilatê Sûriyeyê bû. Her wiha bi saya berxwedan û fikra Rêbertî em ê ji hovîtiya dagirkerên dixwazin xaka me dagir bikin, rizgar bibin."

(fr)

ANHA