Rewşa li Kendavê û nakokiyên DYA-Çînê di medyaya Erebî de

Îro, çapemeniya Erebî li ser du mijarên sereke nivîsî: şerê di navbera Dewletên Yekbûyî yên Amarîkay DYA`ê û Îranê de, danûstandinên têkildar, û çarenûsa Tengava Hurmuzê; û guhertinên di rêziknameya navneteweyî û têkiliyên DYA-Çînê de.

ŞERÊ DYA-ÎRANÊ Û TENGAVA HURMUZÊ

Di rojnameya Independent Arabia de, gotarek bi sernavê "Gera Din Bêçare ye... Em Çawa Amadekariyê Dikin?" li ser îhtîmala berdewamiya aloziyê û bandorên wê li ser dewletên Kendavê sekinî, vê yekê bi ewlehiya geştyariya, balafirgeh û tesîsên petrolê ve girêda. Daxwaza amadekariyan ji bo qonaxek ku dibe ku ji pevçûna heyî wêdetir bibe kir.

Di rojnameya Siûdî Okaz de, bandorên şer li ser dîmena navxweyî ya Îranê û li ser têgeha astengkirinê li herêmê hatin nîqaşkirin. Di gotarê de hatiye ravekirin ku "rûbirûbûna niha ya di navbera DYA`ê û Îranê de qelsiyên di sîstema Îranê de eşkere kiriye" û hatiye hesibandin ku qonaxa piştî şer dê pirsên têkildarî ji nû ve avakirin û birêvebirina qonaxa paşîn derxîne holê.

WASHINGTON, PEKÎN, Û JI NÛ VE ŞÊWEKIRINA AMADEKARIYA NAVNETEWEYÎ

Derbarê têkiliya DYA-Çînê û bandorên wê li ser amadekariya navneteweyî û herêmê de, rojnameya El Xelîc  di gotarekê de, li ser pêşwazîkirina Serokê Amerîkayê Donald Trump ji Serokê Çînê Xi Jinping re û bandorên lûtkeyê li ser têkiliyên di navbera her du hêzan de rawestiya.

Di gotarê de hatiye pirsîn ka gelo ev germahiya hevbeş û "têkiliya hêja" dikare bibe encamên erênî ku sûdê bide her du welatan, dawî li nakokiya bazirganî, aborî, teknolojîk û siyasî ya di navbera wan de bîne, û cîhanê ji ihtimala zêdebûna nakokiyan û gefkirina ewlehî û aştiya cîhanî rizgar bike.

Rojnameya El Quds El Erebî sembolîzma civîna DYA-Çînê û xwezaya têkiliya di navbera her du hêzan de di qonaxa niha de lêkolîn kiriye.

Rojnameyê iyar kir ku xalîçeya sor a li ser derencên Baregeha Hevbeş a Andrews hatiye raxistin, digel dengê bombebaranên stratejîk ên B-2 û balafirên şer ên pêşketî F-22, û dîmenên pîrozbahiyê yên bêhempa yên ku van rojan ji Washingtonê têne weşandin, bêtir dişibin manevrayek Amerîkî ji bo bicihanîna guhertinên kûr û bingehîn ên di hevsengiya hêzê ya cîhanî.

(k)

ANHA