‘Rêber Abdullah Ocalan bi felsefeya xwe dîrok afirand’

Bi deh hezaran Kurd û Ereb li taxên Şêxmeqsûd û Eşrefiye yên Helebê Komploya Navneteweyî ya li dijî Rêber Abdullah Ocalan şermezar kir û diyar kir ku Rêber Abdullah Ocalan bi felsefeya xwe dîrok afirandiye.

ROJANE

15 sibat, 2024 15:41

HELEB

Bi deh hezaran Kurd, Ereb, ciwan û jin li pêşiya Hola 8`ê Adarê ya li taxa Şêxmeqsûd a Helebê kom bûn û dest bi meşê kir.

Meşê bi pêşengiya ciwanan dest pê kiri û li ber Çerxerêya Zeytûn rawestiya û veguherî mîtîngê.

Li wir girseyê li pêşangeha wêneyên Komploya Navneteweyî temaşe kir.

Dûre endamê Meclisa Giştî ya Partiya Yekitiya Demokratîk (PYD) Ferhan Kobanê axivî û komplo bi komploya herî xeternak a di dîroka komployên li Rojhilata Navîn de bi nav kir.

Ferhan Kobanê bang kir ku ji bo bidestxistina azadiya fîzîkî ya Rêber Abdullah Ocalan hewldan û xebat firetir bibin.

Endama Rêveberiya PYD`ê Emîne Bêrem jî li ser navê pêkhateya Ereb axivî û got: "Bi fikr û felsefeya wî, rastiya hêzên faşîst aşkera bû. Rê li pêşiya gelan vekir ku serî hildin."

Endamê rêveberiya saziyên civaka sivîl Mirî El Şiblî jî got: "Rêber Abdullah Ocalan bi fikrên xwe yên li ser bingeha biratiya gelan û jiyana hevbeş dîrok çêkir. Ruxmî girakirina tecrîdê lê belê Îmralî veguherand minbera fikrê azad."

(şx)

ANHA