Pîrozbahiyên 8’ê Adarê bi peyamên têkoşîna hevpar li hemberî paşguhkirinê bi dawî bûn

Pîrozbahiyên 8’ê Adarê yên li Herêma Bakur û Rojhilatê Sûriyeyê û Helebê bi peyamên têkoşîna jinan a hevpar li hemberî paşguhkirin û bidûrxistinê de bi dawî bûn.

JIN

8 adar, 2025 17:25

NAVENDA NÛÇEYAN

Vê sibehê bi beşdariyeke girseyî çalakiyên 8’ê Adarê li bajar û bajarokên kantonên Herêma Bakur û Rojhilatê Sûriyeyê û bajarê Helebê dest pê kirin. Çalakiyên îsal bi diruşma "Bi Jin, Jiyan, Azadî ber bi Sûriya demokratîk ve" û bi beşdariya bi hezaran jinên ji tevahî pêkhateyan bi Kurd, Ereb, Suryan û Ermenên xwe û bi lixwekirina cil û berên gelêrî, hatin organîzekirin.

Di çalakiyan de peyama Rêber Abdullah Ocalan a ji bo jinan di roja wê ya cîhanî de, gelek peyamên din ku rêxistinên jinan, siyasî û civakî yên li herêmê dane, hatin xwendin. Di peyaman de hat diyarkirin ku têkoşîna jinan a hevpar misogeriya rûbirûbûna paşguhkirin û bidûrxistinê ye. Li kêlekê jî gelek çalakiyên hunerî hatin pêşkêşkirin.

Beriya çend kêliyan çalakiyên li bajarên Qamişlo, Hesekê, Heleb û Kobanê bi pêşkêşkirina stran, govend û şanoyan ji hêla tîmên beşdar ve, bi dawî bûn.

(fr)

ANHA

Qamişlo

Heleb

Hesekê

kobanê