Partiya Sûriya Pêşerojê bi şêniyên Şedadê re civiya

Partiya Sûriya Pêşerojê civîn li hola Şaredariya Gel a navçeya Şehdadê li dar xist. Şêniyên bajêr, endamên saziyên sivîl û partiyê tev lê bûn. 

Endamê Meclisa Giştî ya Partiya Sûriya Pêşerojê Şiyar Mihemed têkildarî civînê ji ajansa me re axivî û got: "Êrişên hovane yên dewleta Tirk a dagirker li dijî herêmê, geşedanên siyasî yên girêdayî rewşa herêmê, şerê Îsraîl û Hemasê mijarên sereke yên civînê bûn."

Mihemed diyar kir ku beşdaran teqezî bi pêwîstiya hevgirtin û hevkariyê di navbera saziyên sivîl û partiyan de kir û divê piştgiriya herêmên ji ber bombebaranê xisar lê bûne, were kirin û alîkarî ji xisardîtiyan re bê pêşkêşkirin.

Her wiha destnîşan kirin ku ew piştgiriya hewldanên siyasî û leşkerî yên ji bo parastina herêmê tên meşandin, dikin û rê û rêbazên yekitiyê û xurtkirina hevgirtina nîştimanî li hember êrişênên dewleta Tirk û pêkanîna ewlehiyê, pêşniyar kirin.

Li gor Mihemed, beşdaran teqezî bi girîngiya xurtkirina hewldanan kir ji bo ku zanabûn di nava civaka xwecih de bê belavkirin, astengî û zehmetiyên li herêmê fêm bikin û ji bo çareserkirina wê bi hev re kar bikin.

(şx)

ANHA