Parlementerên Fransî kefaleta siyasî ya 80 girtiyan girt ser xwe

Tora Mafên Mirovan a Kurdistanê li ser ragihandina kefaleta siyasî ya ji aliyên parlamenterên Fransî ve ji bo girtiyên siyasî yên Kurdên Rojhilatê Kurdistanê daxuyaniyek weşand.

Li gorî agahiyên Tora Mafên Mirovan a Kurdistanê, hejmarek parlamenterên Fransî yên ji partiyên cuda kefaleta siyasî dane zêdetirî 80 girtiyên siyasî yên ku li Îranê cezayê darvekirinê li wan hatiye birîn, ku 6 ji wan girtiyên siyasî yên Kurd in.

Navên 6 girtiyên siyasî yên Kurd û parlamenterên Fransî ku kefaleta wan girtiye ser xwe wiha ne;

Reûf Marûfî – Michael Bulu, Endamê Partiya Sosyalîst,

Mihemed Ferecî – Sandrine Runel, Endama Partiya Sosyalîst,

Muhsin Îslamxah – Anna Pick, Endama Partiya Sosyalîst,

Arman Meerîfetî – Fabrice Barrus, Endamê Partiya Sosyalîst,

Yûsif Ehmedî – Nadezh Abomangoli, Endamê Partiya Berxwedan a Fransayê,

Xatem Ozdemîr – Matthias Tavel, Endamê Partiya Berxwedan a Fransayê.

Hêjayî bibîrxistinê ye ku kefaleta siyasî înîsiyatîfeke navdar e di Danezana Navnetewî ya Mafên Mirovan de. Di vê înîsiyatîfê de, parlamenter û kesayetên siyasî hewl didin ku bi kişandina bala raya giştî û pêşxistina zexta navnetewî, xeteriya darvekirin û binpêkirinên din ên mafên mirovan yên li dijî girtiyan kêm bikin.