Parêzgarê Hesekê Serokê Heyeta Navendî ya Çavdêriyê pêşwazî kir

Parêzgarê Hesekê Endazyar Nûredîn Ehemd Serokê Heyet Navendî ya Çavdêriyê ya hikumeta demkî ya Sûriyeyê pêşwazî kir.

21 hezîran, 2026 20:58

NAVENDA NÛÇEYAN

Parêzgarê Hesekê Endazyar Nûrdîn Ehmed, Serokê Heyeta Navendî ya Çavdêriyê Endazyar Amir El Elî û şandeya pê re pêşwazî kir. Di civînê de Berpirsa Komîteya Entegrasyonê Dr. Jiyan Hesen jî amade bû. Ev hevdîtin di çarçoveya şopandina gavên entegrasyona saziyan û xurtkirina karûbarên çavdêrîyê li parêzgehê de hat lidarxistin.

Di civînê de mekanîzmaya entegrasyonê û çalakkirina karê Heyeta Navendî ya Çavdêriyê li Hesekê hate nirxandin, her wiha li ser rêbaz û tedbîrên ku dikarin amûrên şopandinê pêşve bibin û rola çavdêrîyê xurt bikin gotûbêj hate kirin, bi awayekî ku dibe sedema bilindkirina asta performansa saziyî û başkirina kalîteya xizmetên pêşkêşkirî.

Amadebûyan girîngî da xurtkirina hevrêziyê di navbera aliyên têkildar de, aktîvkirina mekanîzmeyên xebata hevbeş ku şefafî û karîgeriya saziyên giştî li parêzgehê bi pêş dixe.

(fr)