‛Onder ji bo gelan sembola aştiyê bû’

Bi sedan xelkê bajarên Dêrik, Girkê Legê, Çilaxa, Til Koçer û gundewarên wan ji saetên sibehê ve berê xwe da Navenda Şehîd Bawer a Ciwanên Şoreşger a Sûriyeyê ya li bajarê Dêrikê ku sersaxiyê ji bo endamê Şandeya Îmraliyê Sirri Sureyya Onder pêşkêş bikin.

Di merasîmê de rêveberê Meclisa Malbatên Şehîdan a kantona Cizîrê Mihemed Cemîl axivî û rola ku Sirri Sureyya Onder pêşkêş kiriye silav kir û ew bi sembola azadî û demokrasiyê wesif kir.

Cemîl got: "Onder di oxira aştiya ji bo gelan de jiyana xwe terxan kir û hewl da projeya neteweya demokratîk xurt bike, biratiya gelan geş bike û xizmetî bindestan bike."

Cemîl diyar kir ku ruxmî gelek caran hatiye girtin, lê bandor li hêz û têkoşîna wî nekir, berevajî îsrara têkoşînê xurttir kir.

Li aliyekî din jî endamê Meclisa Bajarê Dêrik, Ceger Efrîn got: "Onder di nava gelan de hezkirinê çand û israr bû ku xeta demokrasiyê û aştiyê û têkoşînê ji bo mafên gelan bidomîne."

Serokê Hevgirtina Al El Beyt li Bakur û Rojhilatê Sûriyeyê Sînan Sîdoş ji bo koça Onder xemgîniya xwe anî ziman û ew bi "Sembola aştiyê ji go cîhanê" wesif kir.

Sîdoş got koça wî di vê qonaxa nazik de windakirine, ne tenê ji malbatê û Bakurê Kurdistanê re, lê ji bo 4 parçeyên Kurdistanê giştî re û divê armancên wî yên xurtkirina aştî û demokrasiyê bên dewamkirin û pêkanîn.

Sersaxî bi beşdariya xelkê bajarên Dêrik, Girkê Legê, Çilaxa, Til Koçer û endamên saziyên Rêveberiya Xweser heta êvarê didome.

(fr)

ANHA