Mûm li ser gorên şehîdên Kobanê û şehîdên meha Çileyê hatin pêxistin

Şehîdên berxwedana Kobanê û şehîdên meha Çileyê li ser gorên xwe bi mûman hatin bibîranîn.

ROJANE

25 ÇILE, 2024 20:36

KOBANÊ

Di 26'ê Çileyê de, piştî berxwedana 134 rojan a şervanên YPJˊê û YPGˊê, Kobanê ji destê terora DAIŞˊê, ku di 14'ê Îlonê de êrişî Kobanê kir, hate rizgarkirin. Îro jî bi sedan ji gelê Kantona Firatê, sazî û dezgehên girêdayî Rêveberiya Xweser, malbatên şehîdan ji bo bîranîna şehîdan berê xwe da Goristana Şehîd Dicle û mûm li ser gora wan pêxistin.

Li goristanê, hevseroka Meclisa Malbatê Şehîda a Kantona Firatê Eyşe Efendî axivî û wiha got: "Şehîdan heta Kobanê hat rizgarkirin li hember hovantirîn çeteyên terrorist bi navê DAIŞˊê, ber xwe da. Em salvegera rizgarkirina Kobanê li her çar parçeyên Kurdistanê pîroz dikin. Di berxwedana Kobanê 119 şehîd şervan û welatî şehîd bûn.

Eyşe wiha domand: "Kobanê bi piştgiriya dayikan, bi hêza şervanan û hêviya zarokan me Kobanê hat rizgarkirin. Em destkeftiyên xwe biparêzên û herêmên dagirkirî jî azad bikin."

Di dawiyê de mûm li ser gorên şehîdan hatin pêxistin.

ANHA