Meclisa Rêveber a kantona Cizîrê civîna xwe ya salê li dar xist

Meclisa Rêveber a Rêveberiya Xwederiya Demokratîk a kantona Cizîrê civîna xwe ya salê li dar xist. Di civînê de hevserokên meclisê, cîgir, şêwirmend û desteyên serokatiyê yên nivîsgeh, gerînende, meclis û saziyên giştî amade bûn.

Di civînê de xebatên qonaxa dawîn hatin nirxandin, plansazî hatin nîqaşkirin û bal li ser zehmetiyên li pêşiya xebatê derdikevin hat kişandin.

Dîwanê bixêrhatina amadebûyan kir û diyar kir ku ev civîn ne tenê weke ciîneke îdarî ye, lê ji bo vegera li destkeftiyan û sekinandina li ser astengiyan û danîn bingehên zelal ji qonaxa pêş re gaveke girîng e.

Piştre rapora xebatên salê ya meclisê hat xwendin, xebatên xizmetguzarî û geşepêdanî yên ku hatine pêkanîn hatin pêşkêşkirin.

Di raporê de plansaziyên pêşerojê ji bo pêşxistina karê îdarî û xizmetguzarî, xurtkirina bersivdana hewcedariyên şêniyên kantonê hatin pêşkêşkirin.

Têkildarî xebatên meclisê sînevîzyonek hat pêşandan.

Di dawiya civînê de beşdaran zehmetiyên li pêşiya xebatên wan derketine vegotin, pêşniyariyên pratîkî ji bo pêşxistina performansa îdarî, derbaskirina astengiyan û xurtkirina asta ximzetguzariyan hatin kirin.,

(mh/fr)