Meclisa Hesekê Roja Cîhanî ya Berxwedana Kobanê pîroz kir

Di destpêka daxuyaniyê de wiha hat got: "Sibe, 1`ê Mijdarê, Roja Cîhanî ya bajarê Kobanê ye. Di vê rojê de, azadîxwazên cîhanê li dora berxwedana Kobanê ya li hemberî êrîşên DAIŞ’ê û dorpêçkirina wê ya zalimane kombûn. Ji ber vê yekê ev dîrok wekî Roja Cîhanî ya Berxwedana Kobanê hate binavkirin. Kobanê, bi xelkê xwe û bi Yekîneyên Parastina Gel (YPG) û Yekîneyên Parastina Jinê (YPJ), ji tevahiya cîhanê re wateya berxwedan, fedakariya lehengî û qehremaniyê îspat kir."

Di berdewamiya daxuyaniyê de şehîdên Kobanê bi bîr xist û got: "Ew destanên lehengiyê ku di dîrokê de nayên jibîrkirin û dê her tim di bîra hevpar a nifşên ku şahidiya wan kirine de zindî bimînin. Wekî Arîn Mîrkan ya ku bi şehadeta xwe Girê Miştenûr kir navêkî ku li her aliyê cîhanê tê nasîn û deng vedide; Gelhat Kobanê, Rêvan Rojava, Zehra Penaber û Destîna Qendîl. Hemû bûne ronahiyên bilind ên ku bi qehremaniya xwe mînakên herî xweş ên lehengiyê afirandin û Kobanê kirin semboleke ku di dilê hemû azadîxwazan de hêvî û baweriya bi girîngiya berxwedana li hemberî xerabî û xerabkaran zindî dihêle."

Daxuyanî wiha bi dawî bû: "Em bang li hemû kesên ku xewn û daxwaza cîhaneke bê zilm, dagirkerî û êşê dikin, dikin ku di bîranîna wate û nirxên Roja Cîhanî ya Berxwedana Kobanê de bibin alîgirê me. Werin em bi hev re bibin yek dest û yek dil, ji bo têkbirina wan plan û pilanan ku dixwazin dîroka rastîn ji holê rakin û careke din Kobanê bikin hedef û dîroka wê biguherînin û xera bikin! Silav û rêz ji bo hemû kesên ku vê rojê kirine Roja Cîhanî ya Berxwedana Kobanê. Rûhê şehîda Arîn Mîrkan û hemû hevalên wê yên şehîd her tim bi bîr tînin."

(np)

ANHA