Malbatên şehîdan li Tebqayê pêşdeçûnên siyasî nîqaş kirin

Meclisa Malbatên Şehdîan a kantona Tebqa ji malbatên şehîdan ên Tebqa, Efrîn û Şehbayê re, ji bo şîrovekirina pêşdeçûnên siyasî yên dawî û kedên Rêveberiya Xweseriya Demokratîk ên pêkanîna aştiyê li tevahî welat civînek li dar xist. Civîn li hola goristana şehîdan a bajêr hat organîzekirin.

Di civînê de şêwirmendê Rêveberiya Xweseriya Demokratîk a kantona Tebqayê Mezlûm Yûsif pêşdeçûnên dawî nîqaş kirin û got: "Piranî şaştiyên ku rejîma Baas’ê dikirin nîna dîsa dubare dibin, mîna bidûrxistin, paşguhirin û beşdariya kesên xwîna sûriyeyiyan rijandinê di rêveberiya li Şamê de. Gelê Sûriyeyê jî amade ye fedakariyan bide ku tecrubeya bere ya hikuma çewisandin û bidûrxistinê durbare neke."

Yûsif wiha domand: "Bêdengiya desthilata Şamê li hemberî êrişên dewleta Tirk a dagirker û çeteyên wê yên li dijî herêmên Bakur û Rojhilatê Sûriyeyê li gel tevahî sûriyeyiyan fikaran çêdike. Ji ber ku Rêveberiya Xweser ne tenê ji bo Bakur û Rojhilatê Sûriyeyê ye, lê çareseriya kîrzên sûriyeyiyan, pêkanîna aştî û azadiyê ji tevahî pêkhateyan re ye."

Di dawiya gotina xwe de Yûsif wiha anî ziman: "Têkoşîna gelê Bakur û Rojhilatê Sûriyeyê li hember dewleta Tirk a dagirker rêya yekane ya bidawîkirina êşên sûriyeyiyan û avakirina Sûriyeya nû ji tevahî gelan re ye, lê li kêlek wê divê taybetmendiyên her pêkhateyeke bêyî dûrxistina yeke were parastin."

(fr)

ANHA