`Em ditirsin ku ev lihevkirin careke dîtir were binpêkirin`

Gelê Rojava bi hemû pêkhateyên xwe ev lihevkirin qebûl kirin, lê belê di heman demê de metirsiyên wan hene ku Hikûmeta Demkî ya Sûriyê çawa li Şêxmeqsûd, Eşrefiyê, Dêr Hafir û Meskenê ev lihevkirin binpê kirin, vê carê jî lihevkirine pêk neyînin û binpê bikin.

Di vê çarçevê de welatiyê bi navê Xelîl Alûcî yê ji bajarê Amûde got ew lihevkirinê erînî dibînin û wiha berdewam kir:`Di vê lihevkirine de ya girîng şer rawestê û aramî li Rojava çêbibe. Metirsiyên me hene ku tişta li Şêx Meqsûd û Eşrefiyê qewimî dîsa dubare bibe`.

Welatiya bi navê Delal Xelîl anî ziman ku ji bo şer raweste ev lihevkirin gavekî erênî ye û wiha berdewam kir:`Bi vê lihevkirine re şerte ku gelê Kurd di destûrekî demokratîk ê nû de bighîje mafên xwe yên rewa`.

Delal Xelîl wiha got: "Eger şer biqewime em amade ne çek hilgirin û xwe biparêzin`.

Welatiyê bi navê Hesen Omerî jî diyar kir ku "Ez koçberê Serêkaniyê me. Lihevkirina di navbera QSD`ê û Hikûmeta Demkî de ji bo me hêviya vegera li malên me ye. Lê bele pêdivî heye ku hinek xalên girêdayî koçberan dibe ku zelaltir bibin û em dixwazin vegerin malên xwe."

ANHA