Li Til Temir û taxên Şêxmeqsûd û Eşrefiyê pênganên paqijiyê didomin

Şaredariyên gel ên Til Temirê û taxên Şêxmeqsûd û Eşrefiyê pêngavên paqijiyê didomînin. Şênî û endamên saziyan jî tev li pêngavan bûne.

CIVAK Û JIYAN

4 hezîran, 2025 14:09

NAVENDA NÛÇEYAN

Di çarçoveya hewldanên ji bo pêşxistina çanda paqijiya giştî û ruhê xebata hevpar de, Meclisa Bajarê Til Temirê bi hevkariya Şaredariya Gel û komînan, pêngava paqijiya giştî li navenda bajar û derdora wê li dar xist.

Di çaçoveya pêngavê de cadeyên sereke û yên taxan û meydan hatin paqijkirin.

Ev pêngav ji aliyê şêniyan ve bi erênî hate pêşwazîkirin, şêniyan razîbûna xwe ya ji bo pêngavê anî ziman û rola Şaredariya Gel û rêxistinên civaka sivîl erênî nirixad.

HELEB

Şaredariya Gel a Taxên Şêxmeqsûd û Eşrefiyê jî di 29’ê Gulanê de bi beşdariya şêniyan pêngava paqijkirina her du taxan dabû destpêkirin û li gorî pêngavê dê her hefte rojekê tax bêne paqijkirin.

Rêveberiya Şaredariya Gel destnîşan kir ku ev pêngava heftane di çarçoveya pêngava 13'ê Nîsanê bi dirûşmeya "Em bi hev re bajarê xwe xweşiktir bikin" hatiye destpêkirin. Her wiha destnîşan kir ku ji bo pêşxistina çanda paqijiyê di nava civakê de ev pêngav dewam dike.

Nêzîkî 130 kes ji endamên sazî, rêxistin û komînan û şêniyên taxan, tev li pêngavê bûne.

(k)

ANHA

TIL TEMIR