Li Şehbayê çalakiya konvedanê di roja duyemîn de ye
Beşdarên çalakiya konvedanê ya li bajarokê Ehdas ê kantona Efrîn û Şehbayê soza bilindkirina asta têkoşînê ji bo pêkanîna azadiya fîzîkî ya Rêber Abdullah Ocalan da.
Di çarçoveya pêngava cîhanê ya banga pêkanîna azadiya fîzîkî ya Rêber Abdullah Ocalan de, Kongra Star û Meclisa Jinan a Meclisa Malbatên Şehîdan ên kantona Efrîn û Şehbayê duh çalakiya konvedanê ya 3 rojan li dar xist. Çalakî li Parka 4'ê Nîsanê ya bajarokê Ehdas ê kantona Efrîn û Şehbayê li dar ketiye.
Di roja 2'yemîn a çalakiyê de semînerek li ser çand û exlaq ji aliyê rêvebera Tevgera Hîlala Zêrîn Şêrîn Reşîd ve hat dayîn.
Di çalakiyê de nûnerên deste, meclis, partiyên siyasî û şêniyên bajarê Til Rifet, kampa Berxwedan û kampa Serdem beşdar bûn.
Di serî de beşdaran li axaftina Rêber Abdullah Ocalan a li ser rexne û rexnedayînê guhdar kir.
Piştre Şêrîn Reşîd li ser çand û exlaq û fikrê Rêber Abdullah Ocalan axivî.
Li dawiyê beşdaran teqezî bi bilindkirina asta têkoşînê û şopandina rêya şehîdan heta pêkanîna azadiya fîzîkî ya Rêber Abdullah Ocalan, da.
(mh)
ANHA
