Li Kobanê şehîdên 14`ê Tîrmehê hatin bîranîn

Meclisa malbatên Şehîdan a Kantona Firatê ji bo bîranîna şehîdên 14`ê Tîrmehê mûm li ser gorên şehîdan pê xistin.

ROJANE

13 tîrmeh, 2025 22:56

KOBANÊ

Bi boneya salvegera 43`yemîn a Berxwedana 14`ê Tîrmehê ku ji aliyê pêşengên PKK'ê Mehmet Hayrî Dûrmûş, Kemal Pîr, Alî Çîçek û Akîf Yilmaz ve hatibû destpêkirin, Meclisa Malbatên Şehîdan a Kantona Firatê, sazî û dezgehên girêdayî Rêvberiya Xweser ji bo bîranîna şehîdên 14`ê Tîrmehê li pakrewangeha Şehîd Dîcle ya başûrê Kobanê mûm li ser gorên şehîdan pê xistin.

Merasîma bîranînê bi deqek rêzgirtinê dest pê kir, piştre Hevserokê Meclisa Malbatên şehîdan a Kantona Firatê Mihemed Bozî axivî û got: “Ev roj ji bo gelê Kurd girîng e ji ber ku bi fedayên pêşeng ên PKK'ê mîna Mehmet Hayrî Dûrmûş, Kemal Pîr, Alî Çîçek û Akîf Yilmaz hatibû destpêkirin, bi wan Kurdistan ronî bû, bi wan hebûna kurdan hat diyarkirin.

Mihemed Bozî anî ziman: "Bi rihê wan pêşengan berxwedana Îmralî li hemû dûnyayê belav bû, em jî wek gelê Kurd soz didin ku em ê riya wan bişopînin."

Piştî bidawîbûna axaftinan mûm li ser gorên şehîdan hate pêxistin.

(mm)

ANHA