Li Kobanê merasîma du Şehîdan

Bi sedan Şêniyên Kantona Firatê, endamên saziyên girêdayî Rêveberiya  Xweser, rêxistinên jinan, partiyên Siyasî û ên Sivîl welatiyê bi navê Mihemed Berkel ku di 8`ê Çileya 2026`an li Dêr Hafirê Şehîd bûbû, îro bi merasîmeke bi girseyî li Pakrawangeha Şehîd Dicle oxir kirin.

Her wiha gerîlaya HPG`ê Pelşîn Baz (Leyla Ehmed) ku di 21`ê Sibata 2025`an li Zapê şehîd bûbû bîranîn.

Merasîm bi deqeyek rêzgirtin dest pê kir. Dûre hevseroka Desteya Jîngehê a Kantona Firatê Almaz Romî sarsaxî ji malbata Şehîd Mihemed Berkel û Pelşîn Baz re xwest û diyar kir ku ew ê xwedî li mîrasa Şehîdên xwe derkevin.

Hevserokê Akademiya Şehîd Emgîhan Cûdî ya bajarê Kobanê Silêman Silêman sersaxî ji malbata Şehîd Mihemed Berkel û Palşîn Baz re xwest û bi rêzdarî bejna xwe li hember giyanên cangoriyên azadiyê tewan û wiha axivî: "Şehîd ji bo parastina axa xwe têkoşîneke bê hempa didin meşandin. Divê em jî xwedî li mîrasa şehîdên xwe derkevin û şopdarên rêya wan bin.”

Bavê Şehîd Pelşîn Baz Elî Ehmed  wiha got: "Em bi Şehadeta hêz dibin û kîna me li hember dijmin xurt dibe. Em ê tu carî xwîna Şehîdên xwe li erdê nehêlin û şopdarên doza wan bin."

Li ser navê malbata Şehîd Mihemed Berkel, Emîne Şêxo anî ziman ku ew tu carî xwîna Şehîdên xwe li erdê nehêlin û got: "Divê em li hemberî dijmin xwedî hêz bin û berxwedan û hevgirtina xwe hîna zêdetir xurt bikin ji bo ku em dijmin têk bibin."

Pişte wîsîqeya Şehîd Mihemed Berkel û Pelşîn Baz hate xwendin û radestî malbata wan hete kirin.

Cenazeyê Şehîd Mihemed Berkel bi tilîliyên dayîkan û dirûşma "Şehîd namirin" hate oxirkirin.

(sş)

ANHA