Li Hesekê, Til Temir û Dirbêsiyê seferberiya giştî didome

Gelên bajarên Hesekê, Til Temir û Dirbêsiyê ji bo parastina herêmên xwe ji êrişan di nava seferberiya giştî û berxwedanê de ne.

ROJANE

21 ÇILE, 2026 12:10

HESEKÊ

Ji 6’ê Çileyê ve çeteyên hikumeta demkî ya Sûriyeyê yên ku dewleta Tirk a dagirker piştgiriya wan dike, êrişên Rêveberiya Xweser dikin.

Li hemberî van êrişan Hêzên Sûriyeya Demokratîk (QSD) û Rêveberiya Xweser seferberiya giştî ragihand. Li ser banga seferberiya giştî gelên kantonên Cizîrê û Kobanê ji beriya du rojan ve ji bo parastina herêmên xwe li kolanan e û vebijêkra berxwedanê ya li hemberî êrişan hilbijartine

Li bajarê Hesekê gel di serferberiyê de ye. Hêzên Ewlekariya Hundirîn û Hêzên Parastina Civakî (HPC), tevî şêniyên bajar parastina ewlehiya bajar dikin. Şervanên QSD û YPJ’ê jî li eniyên berxwedanê erkên xwe bi cih tînin. Firne jî ji xizmetaa şêniyan didomînin. Her wiha ekîbên tenduristiyê jî ber rûdana rewşên awarte di seferberiyê de ne.

Li Til Temir û Dirbêsiyê jî ku gel tev li seferberiya giştî bûne, taxên xwe diparêzin, dewriyeyan di nava tax û kolanan dimeşînin. Di saetên bi roj de tevgera şêniyan bi awayekî nisbî di çarçoveya dabînkirina pêwîstiyên jiyanî de ye, lê di êvarî de vediguhere seferberiyeke giştî ya parastinê.

(b)

TIL TEMIR