Li Hecînê û Çilaxa karê xizmetguzariyê didomin

Yekitiya Şaredariyan dest bi qîrkirina rêya giştî ya bajarê Hecînê ya kantona Dêrazorê kir. Ew rê ji Çerxerêya Saetê heta bi nexweşxaneya giştî ya bajêr re. Rê 3 kîlometre ye. Ji rê re 6 hezar metredam qîr hat veqetandin.

Qîr bi 2 qatan bi stûrbûna 8 santîmetreyan û kêmberiy8a 12 metreyan tê lêkirin. Çaverê ye ku proje di 7 rojan de bi dawî bibe.

Ev rê rêyeke sereke ye û nêzî 45 hezar welatî jê sûd werdigirin, ji ber ku ew di ber nexweşxane, sûk û avahiyên niştecihan re derbas dibe.

Yekitiya Şaredariyan a kantona Dêrazorê diyar kir ku dê gelek rêyên kantonê werin qîrkirin, wekî rêya bajarê Firat, Ebû Hemam, Keşkiyê, Ebû El Hesen, Şeife, Baxoz û kolana Tenek.

Şaredariya Gel a bajarê Çilaxa ya kantona Cizîrê jî dest bi sererastkirina û berfirehkirina torên kanalîzasyonê yên 4 taxên bajêr kir. Tor bi dirêjiya hezar metreyan dê werin sererastkirin û berfirehkirin. Lêçûna projeyê jî 24 hezar û 675 dolar e.

Di civînên şaredariyê bi welatiyan re li dar xistine pêşniyar hatine kirin û komînan ev pêşniyar ji bo li ser sekinandinê ji şaredariyê re rakirin.

Ji projeyê ev tax sûd werdigirin: taxa 8'ê Adarê, taxa Qehreman û taxa Mesref. Di projeyê de boriyên nû li şûna yên kevin dê werin siwarkirin.

Proje ji taxa 8'ê Adarê dest pê kir. Di serî de rê û kolan hatin diyarkirin, torên nû bi rûbera 250 metreyan dê werin danîn. Heta niha kanalîzasyona li taxa Mesref bi rûbera 150 metre hat firehkirin û sererastkirin.

Endazyar Mihemed Hemdon destnîşan kir ku ev proje di çarçoveya xwedîderketina li bang û giliyên welatiyan de hat destpêkirin.

Hemdon diyar kir ku xebatên wan bi lez dewam dikin ku beriya zivistanê bi dawî bibe. Çaverê ye 5 rojên din bi dawî bibe.

(mh)

dêre zor

çil axa