‘Gelên herêmê daxwaza azadiya fîzîkî ya Rêber Abdullah Ocalan dike’

Li hember pergala qirkirin û îşkenceyê ya ku desthilata Tirk li dijî Rêber Abdullah Ocalan dimeşîne û ji Adara 2021`an ve hevdîtinên parêzeran û malbatê li ser qedexe dike, gelên herêmê banga rawestandina van sûcên li dijî mirovahiyê ku dewleta Tirk dike û nirxên demokrasiyê, jiyana aştiyane ya hevbeş binpê dike.

Rewşenbîr, siyasetmedar û hiqûqnasên bajarê Şedadê yê başûrê kantona Cizîrê got ew vê pergalê red dikin û banga azadiya fîzîkî ya Rêber Abdullah Ocalan kirin.

Helbestvan û wêjevan Hesen Feyad got: “Rêber Abdullah Ocalan bi ramanên xwe kete dilê bi milyonan gelên herêmê. Divê pêkhateyên herêmê yên Kurd, Ereb û Suryan bang li rêxistinên NY`yê bikin ku erkên xwe yên exlaqî bi cih bînin û pergala îşkence û qirkirinê bi dawî bikin.”

El Feyad destnîşan kir ku Rêber Abdullah Ocalan banga jiyana hevbeş a di navbera gelan de dike, gelên herêmê bi saya wan ramanan hevgirtî ne û wiha domand: “Lewma ev gel ji bo bidestxistina azadiya wî ya fîzîkî dixebitin. Ew nûnertiya tevahî gelên herêma Bakur û Rojhilatê Sûriyeyê dikin.”

RAMANÊN WÎ NETEWEPERESTIYA TENG DERBAS DIKIN

Siyasetmedar Fadil El Ehmed jî got Rêber Abdullah Ocalan banga rêgirtinê di navbera gelan û çandan de, avakirina civakeke pirreng ku edalet û wekhevî lê serwer e dike û got: “Ew neteweperestiya teng derbas kiriye û banga nasnameyeke komker a ku aştiya civakî û tevlêbûna demokratîk dabîn dike, dike.”

(şx)

ANHA