Li Girkê Legê merasîma xiyabî ya şehîd Ozgur Tolhildan

Meclisa Malbatên Şehîdan a Girkê Legê ji bo gerîlayê HPG’ê şehîd Ozgur Tolhildan (Ehmed Ebdulrehîm Mihemed) li Girkê Legê merasîmeke xiyabî li dar xist. Gerîla Ozgur Tolhildan di 27’ê Tîrmehê de li Metînayê şehîd bûbû.

Bi sedan şêniyên Girkê Legê, Rimêlan, Çilaxa, Til Koçer, Dêrikê û endamên saziyan beşdarî merasîmê bûn.

Di merasîmê de li ser navê Meclisa Malbatên Şehîdan Zilfa Bediro axivî û sersaxî ji malbata şehîd re xwest û di şexsê şehîd Ozgur de tevahî şehîdên şoreşê bi bîr anîn.

Zilfa Bediro got: “Divê em hemû destê xwe bixin destê hev, em vî welatî biparêzên û li ser şopa şehîdên xwe tekoşînê bilind bikin.”

Her wiha li ser navê Rêveberiya Xweser Kenan Berekat jî axivî û sersaxî ji malbata şehîd re xwest û got: “Êrişen dewleta Tirk a dagirker li hember felsefeya hebûnê ya ku Rêber Apo temsîl dike lê em ê tekoşîn û berxwedana xwe bilindtir bikin û li ser felsefeya Rêber Apo û rêya şehîdan bin.”

Piştî axaftinan wesîqeya şehadetê ya şehîd Ozgur Tolhildan hat xwendin û radestî malbata wî hat kirin.

Her wiha bavê şehîd Ozgur Ebdulrehîm jî axivî û got: “Em soza didin em ê rêya şehîd Ozgur, Rêber Apo û gerîla bidomînin.”

Merasîm bi dirûşman bi dawî bû.

)rx)

ANHA