Li Cizîr û Reqayê komkirina îmzeyan dewam dike

Komkirina îmzeyan ji bo azadiya fîzîkî ya Rêber Abdullah Ocalan li bajar û navçeyên kantonên Cizîr û Reqayê berdewam dike.

ROJANE

28 sibat, 2024 14:40

QAMIŞLO

Hemleya komkirina îmzeyan dewam dike. Hemleyê 9`ê Sibatê ji bo azadiya fîzîkî ya Rêber Abdullah Ocalan dest pê kiribû.

Şêniya bi navê Qedriye Sedûn (75) a ji gundê Ewînîkê yê navçeya Amûdê bi kêfxweşî komîteya berhevkirina îmzeyan pêşwazî kir û piştî ku îmzeya xwe da got: "Dil û canê me fedayî Rêber in. Em ê heta dawiyê tê bikoşin û em çi bikin jî em ê her tim deyndarê wî bin û tiştên ji bo jinan kirine."

Li Til Hemîsê jî komîteyan li navçeyê û 4 bajarokan; Ebû Cirin, Ukaz, Ceza û Til Ehmed xebatên komkirina îmzeyan didomînin.

Her wiha li bajar û navçeyên kantona Cizîrê wek Til Koçer, Girkê Legê, Dêrik, Tirbespiyê, Çilaxa û Qamişloyê berdewam in.

REQA

Li kantona Reqayê jî ev 10 roj e xebatên komkirina îmzeyan berdewam in. Şêniyên îmzeya xwe didin, destnîşan dikin ku fikrê Rêber Abdullah Ocalan çareseriya herî guncew a gelên azadîxwaze e.

AMUDÊ

TIL HEMIS