Li Amûdê ji bo azadiya Rêber Abdullah Ocalan çalakî
Tevgera Hîlala Zêrîn bi hevkariya Navenda Çand û Hunerê ya bajarê Amûdê di çarçoveya pêngava navneteweyî ya ʹJi Abdullah Ocalan re azadî ji pirsgirêka Kurd re çareserîʹ de li gundê Sunciq Sadûn çalakiyek li dar xist.
Di çarçoveya pêngava navneteweyî ya ʹJi Abdullah Ocalan re azadî ji pirsgirêka Kurd re çareserʹ de Tevgera Hîlala Zêrîn a Kantona Cizîrê bi hevkariya Navenda Çand û Hunerê ya bajarê Amûdê bi diruşma ʹAzadî ji zarokatiyê dest pê dikeʹ çalakiyek li dar xist. Çalakî li gundê Sunciq Sadûn li parka Rêbertî bi beşdariya zarokên gund û şêniyan hat organîzekirin.
Rêvebera Navenda Çand û Hunerê ya bajarê Amûdê Bêrîvan Elî bi xêrhatina beşdaran kir û got: "Ev çalakî di çarçoveya banga azadiya fîzîkî ya Rêber Abdullah Ocalan de tên lidarxistin."
Di çalakiyê de koma Şehîd Dilsoz û hunermend Sîdra Seîd hin stranên Kurdî pêşkêş kirin.
(fr)
ANHA
