Kongreya Îslama Demokratîk bernameya şîroveya Quranê amade dike

Kongreya Îslama Demokratîk a Bakur û Rojhilatê Sûriyê amadekariyê dike bernameyeke nû ya şîroveya Quranê amade dike. Ev xebat dê li ser malperên fermî û yên medyaya dijîtal were belavkirin.

Der barê mijarê de hevserokê Kongreya Îslama Demokratîk Mazin Mihemed Harûnî ji ajansa me re axivî û got: “Armanca me ji bernameyê şîrovekirina Qurana pîroz a li gorî rihê nû ya bi rewşa nû ya mirovahî û civakê re be. Em dixwazin Qurana pîroz ji şîroveyên wê yên kilasîk derbixin. Ew nema pêdiviyên civaka nûjen pêk tîne. Em careke din li gorî nerîna bi rihê serdemê û daxwazên gel di sedsala 21’an de pêk bînin.”

Harûnî da zanîn ku bernameya wan hewl dide şîroveyeke zêdetir nêzî jiyana mirovan û nêzî dozên wî yên civakî û mirovahiyê be.

Harûnî di berdewama axaftina xwe de got: “Ew jiyanê dide û bi pêşketina mirovahiyê ya fikrî û ruhî re pêk tê. Armana me ji vê insyatîfê ew e ku ola îslama pîroz ji qalibên lewaz ku ji ber aliyên tundrew û siyasî hatine bikaranîn, bixînin. Em ê hewl bidin ola xwe ya pîroz ji çarçoveya desthilatdariyê derxin. Desthilatê ew kiriye alaveke di xizmeta siyasta xwe de. Em ê wê vegerînin rastiya wê ku nameya ji bo azadî, edalet û wekheviyê ye.”

Harûnî destnîşan kir ku bingehên sereke yên bernameya wan xwe dispêre Quranê û wiha dom kir: “Di her beşekî wê de dê hin ayetên girêdayî rewşa mirovan were esas girtin. Di heman demê de hêmanên bingehîn ên pêkanîna xêrê û rakirina tundî û zirarê ji ser mirovahiyê, esas bigre.”

Harûnî aşkera kir ku bername dê hefteyê 2 caran were pêşandan û di demên pêş de saet û kêliyên weşanê werin ragihandin û wiha dom kir: “Em hewl didin Qurana pîroz bibe minhaca jiyanê, ne tenê di pirtûkan de hebsî bimîne. Ev bername dê bibe gava yekem a ber bi nûkirina fikrên olî ve.”

Bername dê li ser hesabên Kongreya Îslama Demokratîk were weşandin:

Navnîşan ev e: Kongreya Îslama Demokratîk, YouTube: www.kid2019.com

Kongreya Îsama Demokratîk, Facbook: t.me/mutamrd

(dc)

ANHA