Konferansa Niştîmanî ya Ciwanên Rojava li Ewropayê tê lidarxistin

Sibe (30`ê Tebax) Konferansa Niştîmanî ya Ciwanên Rojavayê Kurdistanê li Ewropayê bi beşdariya 130 ciwan û jinên ciwan ên li bajarên Almaniya, Denmark, Belçîka, Holenda, Fransa, Awisturya, Brîtaniya, Swêd û Canadayê tê lidarxistin.

Li gorî agahiyên ku endamê Komîteya Amadekar a Konferansa Niştîmanî ya Ciwanên Rojavayê Kurdistanê li Ewropayê û Berpirsyarê Giştî yê Înîsiyatîfa Vejînˊê Ehmed El Hesen dane ajansa ANHA`yê ciwanên ku tev li konferansê bibin ji hemû beşên civakê yên pîşesaz, karmend, kedkar, xwendekar, hiqûqnas, siyasetmedar, endazyar, bijîşk û nivîskar in.

Di konferansê de her beşek ji beşên ciwanan (li gorî pisporiya wan) kargehekê li dar dixe, di kargehê de wê projeyan helbijêrin, wan projeyan jî di demên pêş de li Rojavayê Kurdistanê pêk bînin.

Paşê wê li ser xala “Çawa ew ê karibin yekitiya Kurdan biparêzin (Encama Konferansa Yekrêzî û Yekhelwesta Kurdî li Rojavayê Kurdistanê)” û “Dema ku êriş li dijî Rojavayê Kurdistanê çêbibe, em ê weke ciwan ji bo Rojava çi bikin” nîqaş bên pêşxistin.

Konferans tenê rojek e, wê sibe li bajarê Kêlzin Kîrşin (Gelsenkirchen) ê girêdayî Almanyayê bê lidarixistin û bi encamnameyekê bi dawî bibe.

Konferans ji aliyê Înîsiyatîfa Vejîn a ku ji 2020`an ji hêla kesayetên Kurd ji Kurdistanê û derveyî welat hatiye avakirin, bê lidarxistin.

(sb)

ANHA