Ji pêşniyarên konferansa Siwêdayê avakirina tîmekê ji bo diyaloga bi Şamê re

Li Navenda Çandê ya bajarê Siwêdayê Konferansa Giştî ya Siyasî ya Sivîl bi beşdariya nûnertên tevgera aştiyane, hêzên siyasî, civaka sivîl, hêzên ewlekariya hundirîn, gelek çalakgerên civakî û olî hat lidarxistin. Ev yek digel şert û mercên siyasî û ewlehî yên hestiyar li herêmê û tevahî Sûriyeyê pêk hat.

Ev konferans bi armanca yekkirina helwesta siyasî û sivîl li hundirê Siwêdayê û nêrîneke giştî derkeve ku hêviyên xelkê parêzgehê pêk bîne û krîzên heyî yên civaka xwecihî pê re rû bi rû ne werin çareserkirin, hat lidarxistin.

Di konferansê de, hêzên siyasî yên ji tevahî beşên civakê, nûnerên hêzên sivîl û leşkerî, kesayetên olî û eşîrtî, ciwan û xwendekarên zanîngehan amade bûn. Ji nav beşdaran yek ji nûnerên "Rîcal El Kerame" mîr Hesen El Etreş û nûnerê saziyên ewlehî serbaz Tariq El Şofî, nûnerên ji eşîr û pêkhateya Xiristiyan hebûn.

Her wiha "Kombûna Ciwanên Sivîl ên Siwêdayê", gelek çalakgerên ciwan beşdarî konferansê bûn. Wan nêrînên xwe ji bo siberojeke herî adilane û îstîqrar ji xelkê parêzgehê re bi taybet ên girêdayî mafên xwendekarên zanîngehan, pêşkêş kirin.

NÊRÎNEKE YEKGIRTÎ Û DESTPÊŞXERIYÊN LIHEVKIRINÊ

Di konferansê de, beşdaran girîngî da hewldana avakirina helwesteke yekgirtî ku nûnertiya pêkhateyên siyasî, olî û civakî yên Swêdayê bike, bi taybetî di pêşketina pirsgirêkên aborî û debara jiyanê yên zêde û parçebûna siyasî yên kûrtir di nav welêt de. Beşdaran çend destpêşxeriyên lihevkirinê pêşniyar kirin, mîna xurtkirina peywendiyê di navbera hemû aliyan de û xebata ji bo pêkanîna çareseriyên aştiyane ku aramiya parêzgehê misoger dikin û tevna wê ya civakî ya cihêreng diparêzin.

Di konferansê de beşdaran got divê helwesteke yegirtî ya siyasî, olî û civakî ji bo berjewendiyên pêkhateyên Siwêdayê girîngî da hewldana ber bi avakirina girîngî bi yekhelwesta pêkhateyên siyasî, olî û civakî yên Siwêdayê hat dayîn û ji bo wê hat pêşniyarkirin ku têkiliya di nav hemû aliyan de were xurtkirin, çareseriyên aştiyane yên ji bo aramkirina parêzgehê werin pêşxistin û mozaîka civakî ya wê were parastin.

NÎQAŞÊN BERFIREH LI SER PIRSGIRÊKÊN JIYANÎ Û PERWERDEHIYÊ

Di konferansê de nîqaşên vekirî hatin kirin. Beşdaran nêrînên xwe yên der barê astengiyên rojane yên rûbirûyî welatiyan anîn ser ziman.

PÊŞNIYAR Û DESTPÊŞXERIYÊN JI BO DIYALOGÊ BI ŞAMÊ RE

Ji girîngtirîn pêşniyarên konferansê, avakirina tîmekê ku dan û standinê bi Şamê re bike, û nûnertiya tevahî pêkhateyên civakî, siyasî û olî li Siwêdayê bike û erka wê peywendiyê bi desthilatên Şamê re bike, da ku mafên îdarî û geşepêdanê yên parêzgehê misoger bike, li ser siberoja têkiliya di navbera navend û parêzgehê de nîqşan bike ku teslîmkirina adilane ya ji bo niştecihan garantî bike û çareseriyên bingehîn ji pirsgirêkên xizmetguzarî, perwerdehiyê û aboriyê re peyda bike.

Beşdaran destnîşan kir ku pêwîst e tîma hatiye pêşniyarkirin berfireh û giştî be û tu pêkhateyek ji civaka xwecihî li derve nemîne, da ku encamên diyalogê baş bin.

(mh/fr)

ANHA