Îsarîl wê beşdarî civîna çaralî ya guhertina dîlgirtiyan bibe
Îsraîlê biryar da ku tevli civîna çaralî ku dê bi beşdariya Amerîka, Misir û Qeterê ji bo guhertina dîlgirtiyên şerê Îsraîl-Hamasê were pêkanîn, bibe.
Li gorî nûçeya radyoya fermî ya Îsraîlê rayedarên hikûmetê diyar kirin ew ê tevli civîna ku dê sibe (14 Sibat) li paytexta Misrê Qahîreyê bê lidarxistin bibin.
Şandeya Îsraîlê ji serokê MOSSAD’ê David Barniya, Serokê îstixbarata hundirîn a Îsraîlê (Şabak) Ronîn Bar û Orgeneral Nitzan Alon pêk tê.
Hat gotin ku Serokê îstixbarata navendê ya DYA’yê (CIA) William Burns, serokê îstixbarata Misirê Ebas Kamil û serokwezîrê Qeterê Şêx Mihemed Bin Ebdurehman Al Sanî wê tevli civînê bibin.
Li gorî siyasetmedarên Îsraîlî, şandeya Îsraîlê bi xwe re reşnivîseke din ji bo serbestberdana dîlgirtiyan dibe û ji nîqaşan re vekiriye.
(şx)
