Îmad Teteryan: Ji bo ku qirkirin dubare nebe birêxistinbûn divê

Di sala 1915'an de Dewleta Osmanî li hember gelê Ermen dest bi êrişan kir û qetlîameke mezin kir. Di qetlîamê de nêzî milyonek û nîv Ermen hatin qetilkirin û bi sed hezaran jî hatin koçberkirin.

Têkildarî Komkujiya Ermenan, sekreterê giştî yê Partiya Yekitiya Ermenî û şêwirmendê Meclisa Ermenî ya Civakî ya Bakur û Rojhilatê Sûriyeyê Îmad Tetaryan axivî.

Îmad Tetaryan diyar kir ku Osmaniyan nedixwest tu netewe bi ziman, ol û çanda xwe bijî, lewma Ermen qir kirin û got: "Li hember wê qirkirinê cîhan bê deng bû. Ji bo birêxistinkirinê divê saziyên sivîl û leşkerî hebin. Divê sûcdarên wê komkujiyê ji hêla rêxistinên hiqûqî yên navneteweyî û mafê mirovan ve bên cezakirin.”

Tetaryan di dewama axaftina xwe de behsa qirkirin û komkujiyên li perava Sûriyeyê yên li dijî Elewiyan û qirkirina li dijî Ermenan jî kir û wiha got: "Tu cudahî di navbera her du qirkirinan de de tune ye. Her du jî bi heman zîhniyetê hatin kirin. Bi navê ol û nîjadperestiyê qirkirinan pêk tînin. Eger pêkhate û gel neyên parastin dê qirkirin li dijî gelan zêdetir bibin.”

sekreterê giştî yê Partiya Yekitiya Ermenî û şêwirmendê Meclisa Ermenî ya Civakî ya Bakur û Rojhilatê Sûriyeyê Îmad Tetaryan di dawiya axaftina xwe jî got: "Di vê pêvajoyê de divê gel hevgirtin, yekitî û hevgirtina xwe xurttir bikin. Em ê jî wek gelê Ermen, da ku careke din em di qirkirinê re derbas nebin, em ê birêxistinbûna xwe xurttir bikin.”

(zş)

ANHA