Êrişa li dijî navenda ciwanan li Kobanê hat şermezarkirin

Komîteya çalakiyan a herêma Firatê ji bo şermezarkirina êrişa li dijî navenda Meclisa Ciwanan a Minbicê bi beşdariya sedan xelkê Kobanê, endamên saziyên Rêveberiya Xweser, nûnerên partiyên siyasî, Tevgera Ciwanên Şoreşger û Yekitiya Jinên Ciwan a Herêma Firatê meşeke girseyî li dar xist.

Meş ji Qada Jina Azad ber bi Çerxerêya Şehîd Egîd a Kobanê ve dest pê kir. Beşdaran pankatran ′Li dijî êrişên dagirkeriyê cenga azadiyê ser bixe, azadiya Rêber Apo misoger bike′ û siloganên ′Berxwedan jiyan e′,′Bimire xiyanet′ berz kirin. Dûre hevserokê Desteya Ciwan û Werzîşê ya Herêma Firatê Ehmed Derwêş axivî û êrişa li dijî navenda Meclisa Ciwanan a Minbicê şermezar kir.

Ehmed Derwêş wiha got: "Dewleta Tirk a dagirker her tim hewl dide dara piştê ya civakê bi rêya êrişên li dijî ciwanan bişikîne. Ji ber ku ciwan bingeha avakirina civakê ne"

Ehmed Derwêş wiha dawî li gotina xwe anî: "Me çawa çeteyên DAIŞ′ê têk birin, em ê tola şehîdên xwe hilînin, em ê dewleta dagirker ji xakên dagirkirî derxin. Ji ber ku em li ser felsefeya Rêber Abdullah Ocalan ku felsefeya jiyana azad e mezin bûne."

Meş bi diruşmên ′berxwedan jiyan e′ bi dawî bû.

(fr)

ANHA