Elî Xamineyî xutbe da: Mafê gelê Filistînê heye li dijî dijmin serî hilde

Rêberê Olî yê Komara Îslamî ya Îranê Elî Xamineyî piştî 4 salan îro çû xutbeyê û gotarek pêşkêş kir.

Elî Xemineyî d gotara xwe behsa aloziyên li Rojhilata Navîn, şerê Lubnan û Îsraîlê, êrişa mûşekî ya Îranê ya li dijî Îsraîlê axivî. Elî Xamineyî diyar kir ku wê Artêşa Îranê bersiva her êrişek dijminên Îranê bide.

Elî Xamineyî got; “Hemû miletek xwedî mafê parastina xweye û mafê miletê Filistînê heye ku dijî dagirkeran rawestin. Mafê kesê nîne jibo Filistînî û Lubnaniyan bêje ji bo çi hun li beramberî Îsraîlê radiwestin. Me karek yasayî kiriye û divê çarçoveyê de çi erka dewleta Îranê hebe, wê bike.”

Xamineyî diyarkir ku bi kuştina serkirdeyên Meqawmey lewaz nebûye û wê xebata xwe bidomînin û got; “Ev bersiva me ya herî sivik bû, dijminê gelê Îranê, di heman demê de dijminê gelê Filistîn, Libnan, Iraq, Misir, Sûriye û Yemenê ye. Mafê gelê Filistînê ye ku li dijî dijmin serî hilde. Hiqûqa navneteweyî îro piştgirî û piştrast dike. Mafê ti dadgeh, navend û saziyeke navneteweyî nîne ku gelê Filistînê biparêze. Ew mafê Filistîniyane. Gelê Libnanê hûn qehremanin, ev dijminê tirsonek ti carî dawî li hebûna Hizbulah û Hemasê naîne. Şerê me yê di rêya Xwedê de dê berdewam bike. Em nêzîk in û ber bi serkeftinê ve diçin lê ew difikirin ku bi kuştinê û bi tûnekirina sivîlan dê bigihêjin armancên xwe.”