Xelkê Bakur û Rojhilatê Sûriyeyê bi boneya Cejna Remezanê serdana gorên şehîdan kir

Bi sedan xelkê Bakur û Rohilatê Sûriyeyê di şeva Cejna Remezanê de serdana goristanên şehîdan kir û mûm li ser gorên şehîdan pêxistin.

ROJANE

30 adar, 2025 20:14

NAVENDA NÛÇEYAN

Bi boneya cejna Remezanê gelê bajar û deverên Herêma Bakur û Rojhilatê Sûriyeyê berê xwe da goristanên şehîdan û mûm li ser gorên wan pêxistin. Ev rêûresm kûrahiya çanda xwecihî û girêdana civakê bi dîrok û fedakariyan ve, nîşan dide.

Di serdana 21 goristanên li herêmê de şêniyan diyar kir ku ew di boneyên wiha de beriya bi rojekê şehîdên xwe bi bîr tînin û got ev yek rihê hevgirtin û nasnameya niştîmanî xurt dike.

Di sibeha roja cejna Remezanê de şênî bi awayekî girseyî serdana gorên şehîdên xwe dikin.

Li goristanên bajarên Dêrik, Tirbespiyê, Qamişlo, Hesekê, Şedadê, Hol, Dirbêsiyê, Amûdê, Til Temir, Reqa, Dêrazor, Kobanê, Heleb û Tebqayê gel bi girseyî serdana goristanan kir û mûm pêxistin.

Ev rêûresm ne tenê adat in, lê belê di nava xwe de peyameke xurt a nîşandana qîmetdayîna fedakariyên wan şehîdan ji bo azadî û rûmeta welat dihewîne.

(fr)

ANHA

kobanê

QAMIŞLO

HELEB

AMÛDÊ

HESEKÊ

TEBQA