Di roja sêyemîn a Pêşangeha Pirtûkan de 2 pirtûk hatin îmzekirin

Bi serdana pêşangehê û îmzakirina pirtûkan roja sêyemîn a Pêşangehan Pirtûkan a Şehîd Herekol a 8`an bi dawî bû.

ROJANE

17 cotmeh, 2024 20:05

QAMIŞLO

Pêşangeha Pirtûkan a Şehîd Herekol a 8`an di bin dirûşma “Ka em xwendinê bikin şêweyekî jiyanê” li hola Zana ya bajarê Qamişlo di roja xwe ya sêyemîn de dewam dike.

Danê êvarî rewşenbîr, nivîskar, ciwan, wêjevan, helbestvan, mamosteyên dibistan û zanîngehan, şêniyên ji herêmê serdana pêşangehê kirin û li ber dengê muzîkê li nava pirtûkan digeriyan, sernavan dixwînin û tişta ku hildibjêrin kirîn.

2 BERHEMÊN KURDÎ HATIN ÎMZEKIRIN

Li pêşangehê li baskê Desteya Çandê ya Kantona Cizîrê, danê êvarê, rojnamevan û helbestvan Kemal Necim pirtûka xwe ya bi navê “Helbestên Bijarte” îmze û belav kir.

Li baskê Weşanxaneya Şilêr jî nivîskar û lêkolînerê navdar Salih Heydo pirtûka bi sernavê “Hin mînak û gotin bi çîrok û şîrovekirinê” îmze û belav kir.

Roja sêyemîn ji pêşangehê bi serdan û guhdarkirina muzîkê ji Okstra Rojava bi dawî bû.

Li gorî bernameya pêşangehê wê sibe danê êvarê bi sernavê “Dîroka wêjeya Kurdî” ji aliyê nivîskar Arşek Baravî semînerek were dayîn û pirtûk werin îmzekirin.

(sb)

ANHA