Di roja şehîdan de şêniyên Kobanê mûm li ber serê şehîdan vêxistin

Bi boneya roja şehîdan 25`ê Nîsanê şêniyên kantona Firatê, şehîdên Qereçox û hemû şehîdên şoreşê bi bîr anîn.

ROJANE

25 nîsan, 2025 21:25

KOBANÊ

Merasîma bîranînê bi beşdariya şêniyên kantona Kobanê li mezara Şehîd Dicle ya li bajarê Kobanê hate lidarsixtin. Merasîm bi vêxistina mûman û deqeyek rêzgirtinê dest pê kir.

Rêveberê Meclîsa Partiya Yekitiya Demokratîk (PYD) li bajarê Qinê yê li rojavayê Kobanê Xebat Mihemed di merasîmê de axivî û hemû şehîdên şoreşê bi bîr anîn.

Mihemed got: "Em roja şehîdan pîroz dikin û bi rêzdarî şehîdên Qereçoxê û şehîdên meha Nîsanê bi bîr tînin û bejna xwe li hember giyanê wan ditewînin. Em ê her tim li pey xeta şehîdên xwe bin ji ber ku şehîdên me li ser raman û felsefeya Rêber Apo xwe bi rêxistin kirin, û ji bo doz û axa xwe û gelê xwe de şehîd bûn."

Xebat Mihemed di dawiya axaftina xwe de soza şopandina rêya şehîdan da û diyar kir ku ew ê her tim li rêka rêka şehîdan bin.

Merasîma bîranînê bi dirûşma "Şehîd namirin" û "Bê Serok jiyan nabe "bi dawî bû.

(sş/k)

ANHA