Çalakvanên li Tişrînê: Vîna gel têk naçe

Çalakvanên li bendava Tişrînê diyar kir ku beşdarbûna wan di çalakiya li bendavê de berdewama berxwedana gel a li dijî êrişên dewleta Tirk a dagirker û çeteyên wê ye ku bûye sembola yekitiya pêkhateyên Bakur û Rojhilatê Sûriyeyê.

22 nîsan, 2025 10:11

BENDAVA TIŞRÎNÊ

Berxwedana gel a li bendava Tişrînê li hember êrişan didome. Ev berxwedan bûye sembola yekitiya civakê.

Çalakvan Îmad Ibêd der barê mjarê wiha got: "Îro em ber bi bendava Tişrînê, bendava berxwedanê ve diçin da ku ji cîhanê re diyar bikin ku vîna gel têk naçe û çi qas dem derbas bibe jî ev îrade dê bi ser bikeve. Em Kurd û Ereb, Misilman, Xiristiyan, Durzî û Elewî, em bi yek dengî peyamekê didin cîhanê ku em li hemberî tundiyê li ber xwe didin.”

Ayat El Hebal jî got: "Ev berxwedana gel e û nayê şikandin. Em ê vê berxwedanê bidomînin, ji ber ku yekane hêviya me ye ku em di nava azadî û aştiyê de bijîn. Ev xak bi xwîna şehîdên hemû pêkhateyan hatiye avdan û heta serkeftinê em ê li ser şopa wan bin.”

Berxwedana şêniyan a li bendava Tişrînê ji 8'ê Çileyê ve dewam dike û şêniyên Bakur û Rojhilatê Sûriyeyê bi dorveger berê xwe didin bendavê û tev li çalakiyan dibin.

(k)

ANHA